История Малороссии - 3 - [18]

«Божиею милостию, Великий Государь, Царь и Великий Князь Алексей Михайлович, всея Русии Самодержец и многих Государств Государь и обладатель, велел тебе Гетману Богдану Хмельницкому говорити: известно есть се всем, яко ничтоже без Божия смотрения в человецех деется, но вся Его смотрением строятся. Усмотря сие и нам благоверный и Христолюбивый Государь, Царь, и Великий Князь Алексей Михайлович, всея Русии Самодержец и многих Государств Государь и обладатель, яко и яже ныне деются в вашей сей земле несмирной, Божиим смотрением деются и строятся, иже по, по велицей своей милости, о верных своих в земле сей велиим гонением от отступников и иноверных насилуемых промышляяй, тебе, благочестный Гетмане войска Запорожского, с благоохотным воинством твоим к защищению церкве святыя, и всех православных, в сей земле сущих, воздвиже Егож милостию всесильною ты помогаешь, Покровом Пресвятыя Богородицы покрываем и поборением Святых Русских о православных укрепляем, до сего времени по православии крепко побораеши, победу пад насилующими православным приемля; но разумевает же и се, благоверный Государь, Царь, и Великий Князь Алексей Михайлович, всея Русии Самодержец, яко всемилостивый Бог, хотяй воздвигнути рог Христианский и сию землю, скипетр благоверного Государя нашего, Его Царского Величества, якож во времена Благоверного Царя Владимира и прочих его наследников бысть, тако и ныне чрез ваше тщание соединити. Смотрению Божию таковому повинувся, по твоего и всего твоего воинства желанию, Царскую свою милость вам показует и чрез нас Его Пресветлого Царского Величества, меня Болярина с товарищи сие знамение тебе, благочестный Гетмане, дарует; на сем Царском своем знамении Царя царствующих, Всемилостивого Спаса, написанного в победу на враги, Пресвятую Богородицу в покров и преподобных Печерских со святою Варварою, Руских, молитвенников в ходатайство тебе и всему твоему православному воинству подавая, дабы всемилостивый Спас наш, якож иногда, яко повествует история о происхождении честного Креста, православному Царю Рускому и всем Христианам даде на враги победу и мир дарова, так и тебе со благочестивым воинством на врагов, церковь святую озлобляющих, и православных утесняющих, дарует победу, да о имени Иисусове всяко колено гордых падет на землю, и враги православных прогонятся, а мир тем устроится, сущим в гонении правоверным, и якоже пречистая Богородица, некогда верных в Цареграде покрывающи чудным своим покровом, враги на верных вооружившиеся, всесильным своим заступлением, от иконы ея чудотворныя бываемым, иные чудотворно изби, другие же соспудом прогна, тако да и посреди полков ваших, в царском сем знамении написана, носима, вас от иноверных оружия покрывает и победу на них даруя тебе со всем православным воинством и со всеми верными, соблюдет невредимых, и святии же Божии угодницы Рустии Антоний и Феодосий, со святою Великомученицею Варварою, ея же Святыя мощи, яко дар многоценен наша имать страна, яко же вначале православия в Русской сей земле сея мощи, они же сами православие утверждаху, сице и ныне да будут скори тебе и всем помощницы, утверждающе мир православия, и знамение се Его Царского Величества да будет всем врагам вашим, победы знамение страшное и ужасное во бранех!»

А изговоря, Боярин Василий Васильевич отдал Гетману знамя.

А как отдал знамя, и отдавая булаву говорил:

«Иное паки державы своея Царския знамение, булаву сию, благоверный и христолюбивый Государь наш, Царь и Великий Князь Алексей Михайлович, всея Русии Самодержец, тебе, жалуя тебя, посылает да того благополучно благочестивому воинству и всем людям начальствуеши, гордящихся на православие и непокоривых да того тебе смириши; воинство ж твое благочестивое, яко же до-ныне добре устроивал еси, сице да и прочее время сим пресветлыя сго Царския державы знамением, булавою тако смотреливне управляти возможеши, яко да самое видение стройне управляемого от тебе воинства вся враги, на вы возстающие и на благочестие, устрашает и от вас прогоняет.»

А отдав булаву, Боярин Василий Васильевич говорил, отдавая одежду:

«К сему, благочестивый Государь наш Царь и Великий Князь Алексей Михайлович, всея Русии Самодержец, орла носяй печать, яко орел покрыти гнездо свое и на птенца своя вожделе, град Киев с прочими грады, Царского своего орла некогда гнездо сущии, хотяй милостию своею Государскою покрыти с ним же и птенца своя верные некогда под благочестивых Царей державою сущие в защищение свое прияти, в знамение таковыя своя Царския милости тебе одежду сию дарует, сею показуя яко вседа непременною своею Государскою милостию тебе-ж и всех православных, под его пресветлую Царскую державу подкланяющихся, изволи покрыти, и ты же, да сию от Царского Его Величества прием твою начатую службу к Царской его державе и к защищению православных теплою ризою сею одевайся, согреваеши, яко да рожден ревностно овере православной и о царского Его Величества державе на враги побораеши.»

А как отдал одежду, и отдавая шапку говорил:

“ Главе твоей, от Бога высоким умом презумленной, и промысл благоугодный о православия защищении смышляющей, сию шапку пресветлое Царское Величество в покрытие дарует, да Бог здраву главу твою соблюдая, всяцем разумом ко благу воинства преславного строению вразумляет, се тя Гетмана имуще вернии и тобою смысленно управляеми, врагов ногами попирати и безумие гордых умной главе твоей покоряти возмогут. Се убо своего Царского Всличества жалованье благоверный Государь наш Царь и Великий Князь Алексей Михайлович всея Русии Самодержец, тебе даруя нами, и всякого благопоспешия и на враги одоления благоприветствуя, хощет, да и в своем обещании к Царской его Державе и вере непременной пребывающи, многоумную свою главу к Его Царской милости подклоняя, твердую и нерушимую верность со всем воинством своим и всеми Христианы соблюдеши, яко да Царское Его Величество вашим рачением возуждаем, большую к тебе и всем твоим милость свою Царскую простирати возможет.»