Новгород и Псков: Очерки политической истории Северо-Западной Руси XI–XIV веков - [19]
Псковская Первая летопись, 6849 г.
«А Ольгердъ князь и Кестутии князь повеле своимъ Литовникомъ и видбляном и псковичемъ бродитися за Великую реку, а не ведуще под Изборскомъ рати; и они перебродившеся и ставше станми на Камне. А князь Ольгердъ посла своихъ людеи въ сторожу пред полкомъ; они же ехавше языка яша за Холохолномъ, и приведоша ко Ольгерду; и онъ поведа силу велику немецькия рати подъ Изборскомъ[173]».
Новгородская Четвертая летопись, 6850 г.
«И стояше ту Немци подъ Изборьскомъ 10 днии и воду отьяше отъ изборянъ, и помощью святыа Троица и молитвою святаго Николы отъидоша прочь, пожегше и пороки и всь запасъ свои, не ведающе, что нету въ Изборьске воды; но богъ храняше бе люди, тоу сущаа в немъ, а поганымъ вложи страхъ в сердца ихъ и обрати а на бегъ[174]».
Псковская Первая летопись, 6849 г.
«И стояша Немцы под Изборъскомъ десять днии, и воду отъяша от изборянъ; и помощию Святыя Троица и молитвою святого отца Николы отъидоша прочь, пожегше пороки и грады и весь запас свои, не ведающе, что во Изборску воды нетъ. Но богъ храняше градъ и люди, сущия в немъ, а поганым страх вложи въ сердца их и обрати я на бегь[175]».
Новгородская Четвертая летопись, 6850 г.
«Тогда плесковици много истомившеся съ Олгердомъ, крестити его хотяще и на княжение его посадити въ Плескове, онъже отречеся креститися и княжениа плесковскаго; крестиша сына его Ондреа въ сборнеи церкви, и посадиша его плесковици оу себе на княжении, надеющися помощи отъ Олгерда. А Олгердъ и брать его Кестутеи поехаша съ своею силою в землю Литовскую, а помощи ни коея же не оучинивше Пскову толко хлебъ и сена около Плескова потравиша[176]».
Псковская Первая летопись, 6849 г.
«Тогда псковичи много стомишася со княземь со Ольгердомъ, крестити его хотяще и на княжении посадити во Пскове; онъ же отречеся крестити и княжения псковъскаго; и окрести сына своего Андрея во святеи Троицы в соборнои церкви и посадиша его на княжении псковичи, надеющися помощи от Олгерда. А князь Ольгердъ и брат его Кестутии прочь поехаша с своеми людми, а помощи никоея же оучинивше, толко хлебъ и сено около Пскова отравиша[177]».
Описание гибели литовского князя Любко в Новгородской Четвертой и Софийской Первой летописях оказывается несколько ближе к варианту Псковской Третьей, нежели Псковской Первой.
Новгородская Четвертая летопись, 6850 г.
«Любко князь Воиневъ сынъ Полочкого, самъ дроугъ отъехавше отъ Олгерда и въехавше въ сторожевыи полкъ немецкои, не ведающоу ему, и ту его оубиша самого друга, и бысть Олгерду и Кестутью и инымъ княземь скорбь и печаль по Любке князи[178]».
Псковская Третья летопись, 6849 г.
«А Любко князь, сынъ Воинев полоцкого князя, самъ другъ отъехаше от князя Олигорда, и въехавше в сторожевыи полкъ в немецкии, не ведающу ему сторожовово полка, и тако его оубиша само друга; и бысть князю Олигорду и братоу его Кестоуиту и инем княземь скорбь и печаль по князи по Любке[179]».
Псковская Первая летопись, 6849 г.
«И Любко князь сам другъ отъеха от Ольгерда, и въеха въ сторожевыи полкъ немецькии не ведающоу ему, и тако его оубиша самого друга; и бысть Ольгерду князю и Кестуиту и инем княземь скорбь и печаль по Любце князи[180]».
Кроме того, отдельные эпизоды в изложении Новгородской Четвертой и Софийской Первой летописей соединяют чтения сразу нескольких псковских летописей.
Новгорородская Четвертая летопись, 6850 г.
«Князь же Олгердъ прия челобитие плесковское, посла к нимъ напредь себе воеводу своего князя Юрья Витовтовича, а самъ с братомъ своимъ Кестоутьемъ, и с мужи своими литовники приеха в помощь псковицамъ и приводе сына своего съ собою Андреа, тако беше имя ему молитвеное, а еще бене крещенъ. И Олгердъ посла Юрья Витовтовича к Новому городкоу языка добывать, онъ же подоимя пьлесковичь охвочихъ людей, и поехаша на сумежье; и сретошася с великою ратью немецкою, оже они идуть на стояние ко Изборьску. И оубиша немци изборянъ и плесковичь 60 моужь на Мекужичкомъ поли, оу реки у Мекужичи, а Юрьи прибежа въ Изборескъ въ мале дружине. На оутриа приидоша немци ко Изборьску городу силою великою, с пороки и съ многимъ замышлениемъ, и оступиша градъ, хотяще пленити домъ святаго Николы[181]»
Псковская Первая летопись, 6849 г.
«Князь же Ольгердъ, послушавъ пъсковъских пословъ, не оставя слова псковъскаго, посла воеводу своего князя Георьгия Витовтовича; а самъ Ольгердъ подъимъ брата своего Кестуита и мужии своих Литовъковъ и мужии видьблянъ, и приеха в помощь псковичамъ, месяца июля въ 20 день, на память святого пророка Илии, и приведе с собою сына своего Андрея, тако бо бяше имя ему молитвеное, а еще бе не крещенъ. И Ольгердъ посла к Новому городку языка добы вати Георгия Витовтовича. Онъ же подымъ псковичь и изборянь охочих людей, и поехаша на сумежие языка добывати; и сретошася с великою ратию с немецькою на Микужичькомъ поли оу Микужичи речки, оже они идуть на стояние ко Изборьску; и оубиша о князи Юрии изборянъ и пскович 60 мужь, месяца авъгуста во вторыи день, а сам Георгии прибеже во Изборескъ в мале дружине. На оутрия же немцы приидоша ко Изборску с пороки и со грады и со многимъ замышлениемъ, и оступиша град, хотяше пленити домъ святаго Николы
