Русско-ливонская война 1240-1242 годов - [5]

По договору в Стенби, Орден обязался помогать датчанам в обороне их владений. В случае совместных завоеваний у язычников 2/3 захваченных земель должны была отходить к Дании, 1/3 – к Ордену. Датская Эстония граничила с языческими или полуязыческими землями только на востоке. Там жили водь, ижора и другие новгородские данники, поэтому выполнение соглашения неизбежно привело бы к войне с Новгородом. В то же время двусмысленный текст датско-орденского соглашения для объявления войны против христиан требовал разрешения папы римского. Папство фактически обеспечивало себе свободу рук. Летом 1240 г. шведы предприняли попытку закрепиться на Неве и в Приладожье, но были разбиты на р.Неве новгородским князем Александром. За эту победу князя с кон.15 века прозывали Невским. Через 2 месяца после Невской битвы началась русско-ливонская война, но бои первоначально вспыхнули не за Нарвой, а к югу от Псковского озера. 

Русские источники о войне 1240-1242 гг.

Новгородская первая летопись старшего извода

Первоначальные новгородские летописные записи о войне отражены в Новгородской первой летописи (далее НПЛ) старшего извода [10]. Эта летопись дошла до нас в составе пергаментного Синодального списка 14 века, содержащего записи о событиях 1016-1272 и 1299-1333 гг. Записи до 1234 г. сделаны почерком 2-й половины 13 в., после 1234 г. – почерком 2-й четверти 14 в. О времени составления статей 1240-1242 гг. среди исследователей существует две точки зрения. По традиционному взгляду, они были написаны современником вскоре после описываемых событий. Недавно Б.М.Клосс показал, что статьи 1230-х – 1260-х гг. имеют стилистическое единство и созданы в 1260-х гг. Ниже приводится текст НПЛ старшего извода [11]. Буква "ять" заменена на "е". В этой части НПЛ используется мартовский стиль, при котором год начинался с 1 марта.

"В лето 6748 (1240/1241). [Описание Невской битвы со свеями, мурманами, сумью и емью "месяца июля въ 15, на память святого Кюрика и Улиты, в неделю на сборъ святых отець 630, иже в Халкидоне".]

Того же лета взяша Немци, медвежане, юрьевци, вельядци с княземь Ярославом Володимиричем Изборьско. И приде весть въ Пльсков, яко взяша Немци Изборскъ; и выидоша пльсковичи вси, и бишася с ними, и победиша я Немци. Ту же убиша Гаврила Горислалича воеводу; а пльсковичь гоняче, много побиша, а инехъ руками изъимаша. И пригонивше подъ город, и зажгоша посад всь; и много зла бысть: и погореша церкы и честныя иконы и книгы и еуангелия; и много селъ попустиша около Пльскова. И стояша подъ городом неделю, но города не взяша; но дети поимаша у добрыхъ мужь в тали, и отъидоша проче; и тако быша безъ мира: бяху бо переветъ держаче с Немци пльсковичи, и подъвели их Твердило Иванковичь с инеми, и самъ поча владети Пльсковым с Немци, воюя села новгородьская; а инии пльсковичи вбежаша в Новгородъ с женами и с детьми. В то же лето, тои же зимы выиде князь Олександръ из Новагорода к отцю в Переяславль с матерью и с женою и со всемь двором своимь, роспревъся с новгородци. Тои же зимы придоша Немци на Водь с Чюдью, и повоеваша и дань на нихъ възолжиша, а городъ учиниша в Копорьи погосте. И не то бысть зло, но и Тесовъ взяша, и за 30 верстъ до Новагорода ганяшася, гость биюче; а семо Лугу и до Сабля. Новгородци же послаша къ Ярославу по князя, и дасть имъ сына своего Андрея. Тогда же сдумавше новгородци, послаша владыку с мужи опять по Олександра; а на волость Новгородьскую наидоша Литва, Немци, Чюдь, и поимаща по Луге вси кони и скотъ, и нельзе бяше орати по селомъ и нечимь, олна вда Ярославъ сына своего Александра опять.

В лето 6749 (1241/1242). Приде Олександръ князь в Новгородъ, и рады быша новгородци. Того же лета поиде князь Олександръ на Немци на городъ Копорью, с новгородци и с ладожаны и с Корелою и с Ижеряны, и взя городъ, а Немци приведе в Новгородъ, а инехъ пусти по своеи воли; а Вожанъ и Чюдцю переветникы извеша.

В лето 6750 (1242/1243). Поиде князь Олександръ с новгородци и с братомь Андреемь и с низовци на Чюдьскую землю на Немци и Чюдь и зая вси пути и до Пльскова; и изгони князь Пльсков, изъима Немци и Чудь, и сковавъ поточи в Новгородъ, а сам поиде на Чюдь. И яко быша на земли, пусти полкъ всь в зажития; а Домашь Твердиславичьи Кербетъ быша в розгоне, и усретоша я Немци и Чюдь у моста и бишася ту; и убиша ту Домаша, брата посаднича, мужа честна, и инехъ с нимь избиша, а инехъ руками изъимаша, а инии к князю прибегоша в полкъ; князь же въспятися на озеро, Немци же и Чюдь поидоша по нихъ. Узревь же князь Олександръ и новгородци, поставиша полкъ на Чюдьскомь озере, на Узмени, у Воронея камени; и наехаша на полкъ Немци и Чюдь и прошибошася свиньею сквозе полкъ, и бысть сеча ту велика Немцемь и Чюди. Бог же и святая Софья и святою мученику Бориса и Глеба, еюже ради новгородци кровь свою прольяша, техъ святыхъ великыми молитвами пособи бог князю Александру; а Немци ту падоша, а Чюдь даша плеща; и, гоняче, биша ихъ на 7-ми верстъ по льду до Суболичьского берега (Соболичьского в НПЛ младшего извода); и паде Чюди бещисла, а Немець 400, а 50 руками яша и приведоша в Новгородъ. А бишася месяца априля въ 5, на память святого мученика Клавдия, на похвалу святыя Богородица, в суботу. Того же лета Немци прислаша с поклономь: "безъ княззя что есмы зашли Водь, Лугу, Пльсковъ, Лотыголу мечем, того ся всего отступаемъ; а что есмы изъимали мужии вашихъ, а теми ся розменимъ: мы ваши пустимъ, а вы наши пустите"; и таль пльсковскую пустиша и умиришася. Того же лета князь Ярославъ Всеволодовичь позванъ цесаремь татарьскимь Батыемь, иде к нему въ Орду."