Различные записки и выписки - [12]

Муж долготерпеливый мног в разуме.

А благочестие на все полезно.

Рабу же Божию не подобает сваритися, но кротким быти во всех.

Всех люби, и от всех удаляйся. Молчание есть корень безгрешия.

Глас к Св. Арсению: беги от человек, да спасешися.

8.

Макарий Великий пишет: ежели смиренномудрием, простодушием и благостно украшены не будем; образ молитвы ничто же нас воспользует. Сие же не о молитве только, но и о всяком подвиге говорит.

9. Трудолюбивого ума действия.

Размышление.

1. О любви к Богу. 2. О воспоминании Божия присутствия. Предзрех Господа. Псал.15, ст. 8. 3. О памятовании святых и умных сил. 4. О царствии небесном. 5. О подражании святым мученикам. 6. О исходе души. 7. О явлении нашем на судище. 8. О муке и о последнем деле наших решений.

Св. Иоанна Лествичника от 6 степени.

10.

Не имеющий молитвы чистой от помыслов, оружия не имеет на брань. Св. Исихий.

Безмолвник тот, кто существо бестелесное усиливается удерживать в пределах телесного дома. Подвиг редкий и удивительный. Св. Иоанна Леств. в 27 ст.

Безмолвник есть оный рекий: Аз сплю, а сердце мое бдит. Песн. Песн. гл. 5, ст. 2.

Затворяй убо дверь келлии—телеси, и дверь языка—глаголанию, внутреннюю дверь лукавствию духов.

Иисусова память да соединится с дыханием твоим, и тогда познаеши безмолвия пользу.

Непрестанным призыванием во внутренности души Иисуса Христа, тайно ратуяй, супостат поражается и опаляется.

11.

Исаак Сир. Хотяй увидети Господа, художествует очистити сердце свое непрестанною памятью Божию, и тако светлостию мысли своея на всяк час зрети имать Господа.

Св. Варсон. Аще не внутреннее делание с Богом поможет человеку, всуе по внешнему труждается. Внутреннейшее бо делание с болезнью сердца приносит чистоту; чистота же истинное сердца безмолвие; безмолвие же смирение; смирение же—жилище Божие творит человека. От вселения же сего, со страстьми бесове изгоняеми бывают, и сице человек бывает храм Божий, исполненный освящения, исполненный просвещения, чистоты же и благодати. Блажен убо есть оный, иже Господа своего во внутреннейших сердца, яко в зерцале зрит, изливая моление свое с плачем пред благостию его.

Иоан. Злат. Непрестанно пребуди во имени Господа Иисуса, яко да поглотит сердце Господа, и Господь сердце, и будет два во едино.

12.

Святой Авва Дорофей вот что сказал: Аз ино падение не вем монаху, но от еже веровати своему сердцу.

Авва Дорофей о себе сказывает: никогда, как я сказал, не решался сделать что‑либо без его совета. Иногда помысл говорил мне: не тоже ли (самое) скажет тебе старец? Зачем ты хочешь беспокоить его? А я отвечал помыслу: анафема тебе, и рассуждению твоему, и разуму твоему, и мудрованию твоему, и ведению твоему; ибо, что ты знаешь, то знаешь от демонов.

Потщитеся и вы, братие, вопрошати, и не уповать на себя.

13.

Св. Ефрем Сир. Аще кто не очистит себе от всякия злыя вещи, и помысл скверных, и похотей злых, ярости и гнева, зависти же и гордыни и тщеславия, ненависти, прекословия же и клеветы, блядословия, несогласия, и что ныне вся подробну исчитаю? от всего бо, еже ненавидит Бог, аще кто не отвратится, не имать в себе вселяющаяся Христа. Когда же далече все то отступит от него, тогда вселится Бог в него.

14. Поучение о восьми помыслах, от глав Святого Нила.

Веждь, чадо, яко восемь есть помыслов, иже вся злая содевают: чревобесие, блуд: сребролюбие, ярость, печаль безвременная, уныние, тщеславие, гордыня: сия суть борющая всякого человека. Ты же, чадо, аще хощеши победити чревобесие, возлюби воздержание, и имей страх Божий, и победишь.

Аще хощеши победить блуд; возлюби алчбу и жажду, и бдение, и воспомяни смерть, и никогда же беседуй с женою, и победиши.

Аще хощеши победити сребролюбие: возлюби нестяжание и худость.

Аще хощеши победить ярость: стяжи кротость и долготерпение; и поминай: колика злая сотвориша иудеи Господу нашему Иисусу Христу, и человеколюбивый не прогневася на ня, но паче моляшеся о них, глаголя: Отче, остави им грех сей; не ведят бо, что творят.

Аще хощеши победить безвременную печаль: никогда же опечалися за какую либо временную вещь. И аще биен будеши, или обесчестен, или отгнан: не опечалися, но паче радуйся. Тогда токмо опечалися, егда согрешиши. Но и тогда в миру, да не падеши в отчаяние и погибнеши.

Аще хощеши победить уныние: твори что либо мало рукоделье, и прочитай Божия книги, и молися часто.

Аще хощеши победить тщеславие: не люби похвалы, ниже почести, ниже добрые ризы, ниже предпочитания, ниже председания. Но паче возлюби, да тя укоряют, и охуждают, и бесчестят лжуще; и держи себе всякого грешника грешнейша.

Аще хощеши победить гордыню: что либо аще твориши, не глаголи, яко от твоего труда, или от твоего мужества бывает. Но аще постишися, аще бдиши, аще молишися, аще низу лежиши, аще поеши, аще служиши, аще поклоны многи твориши, глаголи: яко не от моего тщания, но от Божией помощи и заступления бывают.

15.

Весь свете пред Богом как ничто; и потому милость и гнев людей пред Божиим гневом и милостью, как ничто же есть.

Бог поругаем не бывает. Что посеешь, то и пожнешь.

Не корчемствуй благодатно; не говори: добр закон, но слаще грех. —Греховная сладость есть диавольская удица, влекущая в погибель.