Православный лечебник - [2]

Об исцелении от всех недугов человеческих — великомученику и целителю Пантелеймону, 9 августа (все даты по новому стилю).

Молитва святому великомученику и целителю Пантелеймону

О святый великомучениче и целителю Пантелеймоне, Бога милостиваго подражателю! Призри благосердием и услыши нас грешных, пред святою твоею иконою усердие молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, люте одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков.

О прозрении ослепших очес — Пресвятой Богородице Казанской. Празднование 21 июля.

Молитва пред иконою Пресвятыя Богородицы Казанскою

О Пресвятая Госпоже, Владычице Богородице! Со страхом, верою и любовию пред честною (и чудотворною) иконою Твоею припадающе, молим Тя: не отврати лица Твоего от прибегающих к Тебе: умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, церковь же Свою святую непоколебиму да соблюдет, и от неверия, ересей и раскола да избавит: не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан помощница и заступница: избави же и всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и от внезапныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия и милости Твоя, являемыя над нами зде на земли, сподобимся и Небеснаго Царствия, и тамо со всеми святыми прославим пречестное и великолепое имя Отца и Сына и Святаго Духа во веки веков.

Об исцелении от болезней глаз — великомученику Мине Египтянину, 24 ноября. Мученику архидиакону Лаврентию, 23 августа. Мученику Лонгину-сотнику, 29 октября.

Св. Лонгин был сотником римского войска, которое стояло на страже у Креста Господня. По преданию, он был там и в тот момент, когда воин проткнул копьем ребра Христа. Капля крови Спасителя попала на больные глаза сотника, и он исцелился. После своей казни за исповедание христианской веры св. Лонгин явился одной святой женщине, прося ее найти в земле его отсеченную голову. Женщина исполнила просьбу святого и прозрела.

Молитва святому мученику архидиакону Лаврентию

О пресвятый и предивный страстотерпче Христов, архидиаконе Лаврентие! Восхваляюще веру и страдания твоя, почитаем победу и венценосное прехождение твое чрез горящее углие от тьмы века сего ко свету невечернему престола величествия Божия. Тем же убо молим тя: якоже древле притекавшия с верою к покрову твоему чудесы твоими утвердил еси, тако да приймеши и нас под кров твой, и в болезни и печалех наших заступник нам да будеши: и якоже от слепоты телесных очес Крискентиана преложением рук исцелил еси, тако да исцелиши предстительством твоим у престола Божия и нашу душевную слепоту: призри на разслабление наше телесное и душевное, и укрепи нас бодренностию противу враг наших видимых и невидимых, удручающих нас напастьми, да твоею помощию путь маловременныя жизни сея прешедше, непобеждени от бед и скорбей и всякаго лютаго обстояния, достигнем неприступныя славы величествия Божия, идеже предстоя, молишися со дерзновением за люди прибегающыя с верою к тебе и воспевающыя дивнаго во святых Бога исраилева во веки веков.

Об исцелении от головных болезней — Иоанну Предтече, 11 сентября. Благодать врачевания головных болей Иоанну Предтече была дарована за перенесение страданий при казни – ему отсекли голову.

Об исцелении от зубной боли – священномученику Антипе, епископу Пергамскому, 24 апреля.

Священномученик Антипа, упоминаемый в Откровении св. Иоанна Богослова, был епископом христианской церкви в городе Пергаме. Брошенный язычниками в раскаленного медного быка, он молил Бога даровать ему благодать лечить людей «в неутешной зубной боли».

Молитва священномученику Антипе, епископу Пергамскому

О преславный священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящыя врачевати и разслабленныя укрепляти: сего ради к тебе, яко благодатному врачу болезней, аз немощный (или: немощная) прибегаю, и твой досточтимый образ со благоговением лобызая (или: лобызающи), молюся: твоим предстательством у Царя Небеснаго испроси мне болящему (или: болящей) исцеление от удручающия мя зубныя болезни: аще бо и недостоин (или: недостойна) есмь тебе, благостнейшаго отца и приснаго заступника моего: но ты, быв подражатель человеколюбия Божия, сотвори мя достойна (или: достойну) твоего заступления чрез мое обращение от злых дел ко благому житию: уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив (или: поживши) во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа во веки веков.