Евхаристия - [79]

Молитва Sanctus’a известна нам почти по всем древнейшим кодексам литургий. Следует, впрочем, вспомнить, что «Апостольское предание» святого Ипполита и литургия в «Теstamentum Domini N. I. Christi» не имеют этой молитвы. Содержание этой молитвы таково:

Литургия святого Иоанна Златоустого

С сими и мы блаженными Силами, Владыко Человеколюбче, вопием и глаголем: Свят еси и Пресвят, Ты, и Единородный Твой Сын, и Дух Твой Святый: Свят еси и Пресвят, и великолепна слава Твоя (2 Пет. 1:17 [399]), Иже мир Твой тако возлюбил еси, якоже Сына Твоего Единороднаго дати, да всяк веруяй в Него не погибнет, но имать живот вечный (Ин. 3:16 [400]): Иже пришед, и все еже о нас смотрение исполнив, в нощь, в нюже предаяшеся, паче же Сам Себе предаяше, за мирский живот, приемь Хлеб (1 Кор. 11:23 [401]) во святыя Своя и пречистыя и непорочныя руки, благодарив и благословив, освятив, преломив (Мф. 26:26; [402] Мк. 14:22; [403] Лк. 22:19 [404]), даде святым Своим учеником и апостолом, рек:

(Возглас): Приимите, ядите, Сие есть Тело Мое, еже за вы ломимое во оставление грехов.

(Певцы): Аминь.

(Священник тайно): Подобне и Чашу по вечери, глаголя:

(Возглас): Пийте от нея вси, Сия есть Кровь Моя Новаго Завета, яже за вы и за многи изливаемая, во оставление грехов.

(Певцы): Аминь.

Литургия святого Василия Великого

С сими блаженными Силами, Владыко Человеколюбче, и мы грешнии вопием и глаголем: Свят еси яко воистинну и Пресвят, и несть меры великолепию святыни (Пс. 144:5 [405]) Твоея, и преподобен во всех делех Твоих (Пс. 144:17 [406]), яко правдою и судом истинным вся навел еси на ны (Дан. 3:28 [407]): создав бо человека, персть взем от земли (Быт. 2:7; [408] Иов. 38:14 [409]), и образом Твоим, Боже, почет, положил еси в раи сладости (Быт. 3:23 [410]), бессмертие жизни и наслаждение вечных благ в соблюдение заповедей Твоих обещав ему: но преслушавша Тебе истиннаго Бога, создавшаго его, и прелестию змиевою привлекшася, умерщвлена же своими прегрешеньми, изгнал еси его праведным Твоим судом, Боже, от рая в мир сей, и отвратил еси в землю, от неяже взят бысть (Быт. 3:19 [411]), устрояя ему еже от пакибытия спасение, в Самем Христе Твоем: не бо отвратился еси создания Твоего в конец, еже сотворил еси, Блаже, ниже забыл еси дела рук Твоих (Пс. 137:8 [412]), но посетил еси многообразне (Евр. 1:1 [413]), ради милосердия милости (Лк. 1:78 [414]) Твоея: пророки послал еси (2 Пар. 36:15 [415]), сотворил еси силы святыми Твоими, в коемждо роде (Есф. 9:27 [416]) благоугодившими Тебе: глаголал еси нам усты раб Твоих пророков, предвозвещая нам хотящее быти спасение (Лк. 1:70 [417]): закон дал еси в помощь (Ис. 8:20 [418]): ангелы поставил еси хранители: егда же прииде исполнение времен (Гал. 4:4 [419]), глаголал еси нам Самем Сыном Твоим, Имже и веки сотворил еси, Иже Сый сияние славы Твоея и начертание Ипостаси Твоея, нося же вся глаголом Силы Своея (Евр. 2:2-3 [420]), не хищение непщева еже быти равен Тебе Богу и Отцу (Флп. 2:6 [421]): но Бог Сый превечный, на земли явися и человеком споживе (Вар. 3:38 [422]): и от Девы Святыя воплощься, истощи Себе, зрак раба прием (Флп. 2:7 [423]), сообразен быв телу смирения нашего (Флп. 3:21 [424]), да нас сообразны сотворит образу (Рим. 8:29 [425]) славы Своея: понеже бо человеком грех вниде в мир, и грехом смерть (Рим. 5:12 [426]), благоволи Единородный Твой Сын, Сый в недрех Тебе Бога и Отца (Ин. 1:18 [427]), быв от Жены (Гал. 4:4 [428]) Святыя Богородицы и Приснодевы Марии, быв под законом, осудити грех во плоти (Рим. 8:3 [429]) Своей, да во Адаме умирающе, оживотворятся в Самом Христе (1 Кор. 15:22) Твоем: и пожив в мире сем, дав повеления спасительная, отставив нас прелести идольския, приведе в познание Тебе истиннаго Бога (Ин. 17:3; Кол. 1:10) и Отца, стяжав нас Себе люди избранны (Tит. 2: 14), царское священие, язык свят (1 Пет. 2: 9): и очистив водою (Еф. 5:26), и освятив Духом Святым (Рим. 15:16), даде Себе измену (Тит. 2:14. Мф. 16:26) смерти, в нейже держими бехом (Рим. 7:6), продани под грехом (Рим. 7:14): и сошед Крестом во ад, да исполнит Собою вся (Еф. 4:10), разреши болезни смертныя (Деян. 2:24): и воскрес в третий день (1 Кор. 15:4), и путь сотворив всякой плоти к воскресению еже из мертвых, зане не бяше мощно держиму быти (Деян. 2:24) тлением Начальнику жизни (Деян. 3:15), бысть Начаток умерших (1 Кор. 15:20), перворожден из мертвых (Кол. 1:18), да будет Сам вся, во всех первенствуяй (Кол. 1:18), и возшед на Небеса, седе одесную величествия Твоего на высоких (Евр. 1:3), Иже и приидет воздати комуждо по делом его (Рим. 2:6). Остави же нам воспоминания спасительнаго Своего страдания сия, яже предложихом по Его заповедем: хотя бо изыти на вольную и приснопамятную и животворящую Свою смерть, в нощь, в нюже предаяше Себе за живот мира, приемь Хлеб (1 Кор. 11:23) на святыя Своя и пречистыя руки, показав Тебе Богу и Отцу, благодарив, благословив, освятив, преломив (Мк. 14:22),

(Возглас): Даде святым Своим учеником и апостолом, рек: Приимите, ядите, Сие есть Тело Мое, еже за вы ломимое во оставление грехов.

(Певцы): Аминь.