Возражение, или Разорение смиренаго Никона, Божиею милостию патриарха, противо вопросов боярина Симеона Стрешнева, еже написа газскому митрополиту Паисее Ликаридиусу, и на ответы Паисеовы - [235]
Кто паче Петра от самаго Бога свидетельствован, камень веры, на нем же созда Господь Церковь свою; Ей, рече, врата адова не удолеют. Ключарь Царьства Небеснаго, и его же свяжеши, рече, на земли, будет связан на небеси, и его же разрешиши на земли, будет разрешен на небеси. И [3875] сей разрешен ангелом, от юз ис темницы избеже.
Кто же ли паче Павла, самим Богом свидетельствован, сосуд избраный, иже до третияго небеси восхищен и слышав глаголы неизре(л. 960)ченыя [3876], их же не леть есть человеку глаголати. И сей, свешен в кошнице от ученик, из Дамаска избеже. И яко же бысть стремление языком со июдеи к началники их досадити и камением побити их. Уведевше же, прибегоста во грады Ликаонския.
Еда и сии бегства ради от злобы бывшие вам, а не и ныне, Христос Бог вам есть Бог, такоже и апостоли, бывшия вам, апостоли.
Почто ныне бывшим, а не от исперва вшед к нам? И почто благословение наше от исперва добро и благоприятно бысть и быв сам у нашего благословения, ныне порицаешь? Якоже благословение наше (л. 960 об.) [3877] от исперва было праведно и добро, да неблагословение наше пребудет на вас твердо. Видели есте и сами, как мы в татарской сполох на Москве и у царьскаго величества были, ни в чем перед прежним неизменно, ведая наше неповинное отхождение. Такожде и царь и царица и царевич и царевны у благословения были, и вы, бояря, вси, нихто ни в чем не пороча.
И святаго Сардикийскаго собора правило 19.
Без [3878] правды епископ изгнан, аще и в чюждем пределе пребывает, приятен бывает, дондеже досаждение мимоидет.
Толкование.
От буести и гордости возбраняюще (л. 961) [3879] святии отцы, повелеша епископом в реченое время во инех епископиях пребывати. Аще же некий епископ исповедания ради чистыя нашея веры или понеже бе поборник истине, рекше противяся властелем, не творящим истины, и того ради от своего града изгнан быв и в другий град приидет, не возбранится ту пребывати ему, дондеже примирение обрести возможет и пременение бывшаго на нем досаждения.
Боярин же говорил Патриарху: Даешь де руку свою целовать всяким людем по церкви, и то де худо ты делаешь. И Патриарх говорил: Хто тебе про то велел (л. 961 об.) [3880] говорить, государь ли царь или ты сам о себе? И боярин сказал: Мне де велел государь говорить. И Патриарх: Да почто царь сам поповы руки целует, которые нами посвящены и ко благословению приходя, и сам главу свою преклоняет? Мы тому чюдимся. Про что царь архиереом, иереом нудит руки своя целовать? Не суть архиерей, ни иерей, аще и ему, государю, за премногую его гордость мнится священство менши царьства. Познает тогда различие царьства и свяшенства, егда познани будем от нелицемернаго судии Христа и Бога нашего.
Да боярин же князь Никита Адо(л. 962)евской [3881] с товарыщи говорил: Велел де тебе великий государь царь сказать, что хочет де тебя Иван Сытин зарезать. И Патриарх говорил: Царие от Бога поставляются на отмщение злодеем, а он, государь, ведая Ивана Сытина воровство, не точию не уймет, аще вам велел и сказать про ево воровство. Изволит государь кого ни попустит, то по его государеву такой потачке зделают. Толко Патриарх гроз тех не боится, по писаному: Не убойтеся, рече, от убивающих тело, души же не могущих убити. И прочее: Аще есть у тебя таковое повеление от царя, еже убити мя, убивай. (л. 962 об.) [3882] Се и место покажу ти, идеже нож или меч водрузити. И боярин молвил: Есть де у великаго государя на то таковския люди. Да Патриарх же бояром говорил: Бил челом государю много на мене, Патриарха, Иван Сытин ложно, будто землею его, Ивановою, завладел многою, будто я велел его, Ивана, убить, и будто человека его, Иванова, велел повесить, и людей его, Ивановых, патриарши крестьяня били и грабили по моему веленью, и будто мужика его, Иванова, велел силно из за него, Ивана, своим рожественским крестьяном. И государь (л. 963) [3883] присылал для того нарочно околничего своего Осипа Сукина да дьяка Василья Брехова и велел Патриарху говорить, чтоб я, Патриарх, во всем с Ываном Сытиным зделался и впредь от Ивана никакова бы на Патриарха челобитья не бывало. А будет я, Патриарх, не зделаюсь с Ываном Сытиным, и государь де укажет прислать два приказа стрелцов и велит зделку учинить по своему государеву указу. А как зделку делать укажет государь, того не сказал. И Патриарх говорил: Божий есмь и царя вашего не боюсь. Аще убити мя хощет, да убиет. Не мое (л. 963 об.) [3884] слово се, апостолско. Мне убо еже жити есть Христос, а умрети приобретение есть. Аще и не ныне умрем, умрем же всяко. Воспоминаю страсти Христа моего, якоже учит великий Златоуст, елика пострада нашего ради спасения Господь наш Иисус Христос [3885], и не содрогаюся. И самарянина того нарицаху, ови же беснующася, иже пророка, инии глаголаху, яко сей человек ядца и винопийца, друг мытарем и грешником, инии же о князя бесовстем изгонит бесы, инии же льстец, Он рече. Что же ли, егда ведоша Его низринути, о чюдесе, (л. 964) [3886] от ученика продана, связана, яко злодея того ведяху и на лице Его плеваху и заушение Ему даяху, тростию по главе бияху и хламидою поругания одеваху, и тернием Того венчаху, нага Того водяху, на крест со злодеи вменен бысть, желчи Того напояху, и припадаху на ругающеся, покивающе главами своими и всяк вид поругания Ему деяще. И не погребен, наг лежаше, и воскресение Его облыгаху, и лукавно нань глаголаху, яко ученицы Его украдоша. Аз же кто есмь, еже не послушати Господа своего, заповедавшаго не боятися от убивающих тело. Что ли Господу нашему (л. 964 об.)
