Молитвослов для детей с объяснением молитв - [4]
Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко Иу́да, но я́ко разбо́йник испове́даю Тя: помяни́ мя, Го́споди, во Ца́рствии Твое́м.
Благодарственные молитвы по святом Причащении
Сла́ва Тебе́, Бо́же. Сла́ва Тебе́, Бо́же. Сла́ва Тебе́, Бо́же.
Молитва святого Василия Великого
Влады́ко Христе́ Бо́же, Царю́ веко́в и Соде́телю всех, благодарю́ Тя о всех, я́же ми еси́ по́дал благи́х, и о причаще́нии пречи́стых и животворя́щих Твои́х Та́инств. Молю́ у́бо Тя, Бла́же и Человеколю́бче: сохрани́ мя под кро́вом Твои́м, и в се́ни крилу́ Твое́ю; и да́руй ми чи́стою со́вестию, да́же до после́дняго моего́ издыха́ния, досто́йно причаща́тися святы́нь Твои́х, во оставле́ние грехо́в и в жизнь ве́чную. Ты бо еси́ хлеб живо́тный, исто́чник святы́ни, Пода́тель благи́х, и Тебе́ сла́ву возсыла́ем, со Отце́м и Святы́м Ду́хом, ны́не и при́сно, и во ве́ки веко́в. Ами́нь.
Те́ло Твое́ свято́е, Го́споди Иису́се Христе́ Бо́же наш, да бу́дет ми в живо́т ве́чный, и Кровь Твоя́ честна́я во оставле́ние грехо́в: бу́диже ми благодаре́ние сие́ в ра́дость, здра́вие и весе́лие; в стра́шное же и второ́е прише́ствие Твое́ сподо́би мя гре́шнаго ста́ти одесну́ю сла́вы Твоея́, моли́твами Пречи́стая Твоея́ Ма́тере, и всех святы́х.
Ны́не отпуща́еши раба́ Твоего́, Влады́ко, по глаго́лу Твоему́ с ми́ром: я́ко ви́деста о́чи мои́ спасе́ние Твое́, е́же еси́ угото́вал пред лице́м всех люде́й, свет во открове́ние язы́ков и сла́ву люде́й Твои́х Изра́иля.
Молитвы в течение дня
Молитва Иисусова
Го́споди Иису́се Христе́, Сы́не Бо́жий, поми́луй мя, гре́шнаго.
Молитва перед началом всякого дела
Благослови, Господи, и помоги мне совершить начинаемое мною дело во славу Твою.
Благодарственная молитва по окончании дела
Исполнение всех благих Ты еси, Христе мой, исполни радости и веселия душу мою и спаси мя, яко един Многомилостив, Господи, слава Тебе.
Молитва перед учением
Преблагий Господи, низпосли нам благодать Духа Твоего Святаго, дарствующаго и укрепляющаго душевныя наши силы, дабы, внимающе преподаваемому нам учению, возросли мы Тебе, нашему Создателю, во славу, родителем же нашим на утешение, Церкви и отечеству на пользу.
Молитва перед вкушением пищи
Господи Иисусе Христе, Боже наш, благослови нам пищу и питие молитвами Пречистыя Твоея Матери и всех Святых Твоих, яко благословен еси во веки. Аминь.
Молитва после вкушения пищи
Благодарим Тя, Христе Боже наш, яко насытил нас земных Твоих благ; не лиши нас и Небесного Твоего Царствия, но яко посреде учеников Твоих пришел еси, Спасе, мир даяй им, приди к нам и спаси нас.
Молитва о родителях
Господи, услыши молитву мою о родителех моих, даруй им единомыслие и любовь во вся дни жизни их, укрепи тела их во здравии, да послужат Тебе делами милости и евангельского добра, научи меня всегда быти послушным родительскому слову и избави мя от лицемерия и лукавства в обращениях с ними и не лиши нас всех оправдания на Страшнем суде Твоем. Аминь.
Молитва о живых
Спаси, Господи, и помилуй отца моего духовнаго (имя), родителей моих (имена), сродников (имена), начальников, наставников, благодетелей (имена), и всех православных христиан.
Напиши имена своих близких:
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
Молитва об усопших
Упокой, Господи, души усопших раб Твоих: родителей моих, сродников, благодетелей (имена их), и всех православных христиан, и прости им вся согрешения вольныя и невольныя, и даруй им Царствие Небесное.
Напиши имена усопших:
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
________________________ __________________________
Молитва о болеющих
Ско́рый в заступле́нии еди́н сый, Христе́, ско́рое свы́ше покажи́ посеще́ние стра́ждущему рабу́ Твоему́, и изба́ви от неду́г и го́рьких боле́зней; и воздви́гни во е́же пе́ти Тя и сла́вити непреста́нно, моли́твами Богоро́дицы, еди́не Человеколю́бче.
Молитвы о стране
Спаси, Господи, люди Твоя и благослови достояние Твое, победы православным христианам на сопротивныя даруяй и Твое сохраняя Крестом Твоим жительство.
Молитва ко Пресвятой Богородице о России
Заступнице земли Российской и непрестанная за нас молитвенница, мир народу у Господа испроси, да святится в нас имя Божие во веки. Аминь.
