Исцеляющие молитвы от всех болезней - [26]

Молитва вторая

О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Василие, предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, плененных возврати, немощствующыя исцели, и везде тепле призывающия тя и с верою припадающия и молящиеся тебе от всяких напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.

В лихорадке или трясовичной болезни

Преподобному Василию Новому

(26 марта/8 апреля)

Святой подвижник Василий Новый жил во время царствования императоров Льва Премудрого и его брата Александра. Василий уединился в пустыне, но придворные императора схватили его и привели в город. На вопрос, как его зовут, преподобный отказался отвечать. Тогда его повесили на дереве вниз головой. Когда Василия через три дня сняли, он был абсолютно здоров. Святого бросили в клетку к голодному льву, но тот смирно улегся у его ног. Решили утопить в море, но дельфины вынесли преподобного на берег. Здесь святой встретил человека, болевшего лихорадкой, и вылечил его. С тех пор люди стали обращаться к святому с просьбой исцеления от этой болезни.

Молитва

О священная главо, преподобне отче, преблаженне авво Василие! Не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.

Преподобному Марону, пустыннику Сирийскому

(14/27 февраля)

Преподобный Марон построил себе жилище на вершине горы, которая раньше была местом языческих жертвоприношений. За терпение и веру Бог наградил святого даром чудотворения и целительной силой. Преподобный лечил от лихорадки, а также от душевных и телесных недугов.

Молитва

О, возлюбленная и священная главо, преподобне и богоносне отче наш Мароне! Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашия и сохранит ее от всех врагов цело и неврежденно. Буди же молебник и о нас недостойных. Ко Всеблагому Господу честнии твои руки простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день Страшнаго Суда, с радостию предстати нам пред лицем неизреченныя славы Его, и милостивно призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко Держава его благословена и препрославлена со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Мученику Сисинию, епископу Кизическому

(23 ноября/6 декабря)

Епископ города Кизика (Греция), который пострадал за христианскую веру во время правления императора Диоклетиана. Обладал Божиим даром исцелять трясовичную болезнь.