Преподобный Феодосий Кавказский. Житие, чудеса, акафисты - [18]

Радуйся, от помысла греховнаго упавших духом отвращаяй.

Радуйся, преподобие Феодосие, Кавказский чудотворче.

Кондак 11

Пение всеумиленное Пресвятей Троице принесл еси, егда душу свою Спасителю Мира в руце предал еси и со лики Ангел в Небесныя селения вселился еси, воспевая Богу: Аллилуиа.

Видевше людие, угодниче Божий Феодосие, мирную кончину твою и чудеса на гробе твоем творимые, возрадовашася. Темже в уповании всесильнаго предстательства твоего у Престола Пресвятыя Троицы уверишася, с любовию взывают ти:

Радуйся, в обители небесныя вселивыйся;

Радуйся, яко кончину твою колокольный звон чудесно возвести.

Радуйся, яко гроб твой ангелы сопровождаша;

Радуйся, яко на могиле твоей столп огненный людие видеша.

Радуйся, притекающих к гробу твоему крепкое заступление.

Радуйся, Тайн Божиих вечный зрителю;

Радуйся, от бед и горя скорый избавителю.

Радуйся, преподобие Феодосие, Кавказский чудотворче.

Кондак 12

Благодать Божию приял еси, преславне Феодосие, яко в житии твоем светильник был еси притекающим к тебе с верою, и по смерти своей возсиял еси светом чудес твоих. Людие дивляшеся славе твоей, взывают Богу со умилением: Аллилуиа.

Икос 12

Поющу Богу, дивну во святых Своих, восхваляем тя, преподобие отче Феодосие, был бо еси образ жития юным, правилом веры мужем, учитель старцев, нам же всем молитвенник и предстатель. Сего ради вопием ти:

Радуйся, долголетием от Бога одаренный;

Радуйся, по смерти чад своих не оставивый.

Радуйся, обилие чудес верным явивый;

Радуйся, всем с верою приходящим к мощем твоим помогали.

Радуйся, на стезю спасения всех наставляяй;

Радуйся, Церковь Святую от неверия и расколов сохраняли.

Радуйся, в обстояниях и напастех верный о нас молитвенниче;

Радуйся, пастырей Земли Кавказския покровителю и скорый помощниче.

Радуйся, преподобие Феодосие, Кавказский чудотворче.

Кондак 13

О, пречудный угодниче Божий и чудотворче, преподобие отче Феодосие! Воистину дар Божий еси нам, иже во иночестве, и во священстве, и во юродстве Триипостаснаго Бога прославил еси. Приими малое сие моление наше и умоли Господа Бога, да помилует нас твоими мольбами, на путь покаяния всех наставит, вопиющих Ему: Аллилуиа, аллилуиа, аллилуиа.

Сей кондак глаголи трижды. И паки чтется первый икос: Ангелов Творец… И паки кондак: Избранный угодниче…

МОЛИТВА ПРЕПОДОБНОМУ ФЕОДОСИЮ КАВКАЗСКОМУ

О, святый угодниче Божий, преподобие отче Феодосие!

От юности Христа возлюбивый и Единому Ему последовавый, удалился еси в удел Матери Божией, на святую гору Афонскую, и оттуда ко Гробу Господню притекл еси. Там во священничестем чине много лет пребывая, совершал еси усердные моления за землю Российскую, за Церковь Православную и за народ русский.

Егда же постигло Русь Святую лихолетие безбожия, оставил ты Афон и Иерусалим и вернулся еси во Отечество свое, разделяя скорби народа своего и Церкви нашей святей, яко монах и священнослужитель, даже до темничнаго заточения. Вера твоя, кротость, смирение и терпение умиляли огрубевшие сердца в заточении с тобою пребывавших.

В годы брани ты, отче, помогал народу православному одолеть врага и супостата, и многих от уныния, горя и отчаяния самовольне живот свой скончати желавших, спасл еси. Помощию твоею укреплялись верные в уповании своем, яко Господь не оставил Отечество наше, Матерь Божия сохранит удел Свой, и гнев Божий Ея молитвами на милость претворится.

Многотрудный твой подвиг Христа ради юродства удиви, отче, не только нас, земных, но и небожителей, являвшихся тебе. Сие творит молитва праведника, верою крепкою послешествуемая.

Веси нужды и печали наша, преподобие отче Феодосие, веси и желание наше со Христом быти. Пройдя тесный и тернистый путь земнаго бытия, ты нес ярем тяжкий от братий своих, от неверных и соплеменников. Воспомяни нас, старче Божий, у Престола Господня, ибо ты обещал помогать всем, кто обратится к тебе.

Память твоя, отче, на Земли Кавказстей не оскудевает и поныне: с верою и упованием притекают православные люди к мощам твоим, прося заступления и помощи. Просим же тя, преподобие отче Феодосие: помози нам в трудный час жизни, в минуты скорбей и страданий, умоли Начальника мира Господа, да умягчит Он злые и огрубевшие сердца человеческия и умирит народы Кавказа. Да разорит нечестивые советы раскольников и еретиков, восстающих на Святую Церковь Русскую.

Твоими молитвами, святче Божий, да простит нам Господь всякия прегрешения, да минуют нас стрелы вражия и козни диавольския. Испроси у Творца и Промыслителя жизни нашея Господа время на покаяние, от пагубы избавление, болящим здравие, падшим восстановление, скорбящим утешение, чадам во страхе Божием воспитание, отходящим к вечности благое уготовление, отшедшим упокоение и Небеснаго Царствия наследование.

Буди, отче Феодосие, покровителем и помощником всем верным земли Кавказской. Да укрепится и умножится на ней и во всей Руси Великой Святое Православие. Мы же, святыми твоими молитвами укрепляеми, прославим Живоначальную Троицу и твое освященное Богом имя, ныне и присно и во веки веков. Аминь.

ЛИТЕРАТУРА

1. Подвижники благочестия XX века. — «ИЕРУСАЛИМСКИЙ БАТЮШКА» — Иеросхимонах Феодосий. Международный издательский центр православной литературы. Москва, 1994, стр. 172. По благословению Святейшего Патриарха Московского и всея Руси Алексия II.