Исцеляющие молитвы от всех болезней - [34]

Молитва вторая

О святый великий апостоле Петре! Не отвержи мя, раба твоего (имя) и стенания моего к тебе. Призри на мя, сущаго в болезнех и печалех, испроси у Христа, Учителя твоего, (содержание прошения), да непрестанно славим Его милосердие к нам, со Отцем и Святым Духом, во веки веков. Аминь.

При умалишении

Блаженному Андрею, христа ради юродивому

(2/15 октября)

Блаженный Андрей был славянином и жил в Константинополе, читал священные книги и посещал Божий храм. Однажды он услышал голос Ангела, который передал ему слова Бога: «Иди на добрый подвиг, будь юродив ради Меня и много получишь в день Царства Моего». Андрей так и сделал: оделся в рубище и начал бродить по улицам, терпя насмешки и оскорбления, голод и жажду. За свое терпение он получил от Бога дар провидения и способность исцелять немощных.

Молитва

О святый угодниче Божий, блаженне Андрее! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойнии есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

При нарушениях речи (немота, заикания и другие)

Преподобному Иоанну Рыльскому

(18/31 августа; 19 октября/1 ноября)

Преподобный Иоанн Рыльский является великим подвижником Болгарской Православной Церкви и Небесным покровителем болгарского народа. После смерти родителей он роздал свое имущество нищим и поселился в пустыне, где проводил время в молитве и питаясь только травой и бобами. К святому обращаются при проблемах с речью.

Молитва

О, великий и предивный чудотворче, преподобне Иоанне, приими моление наше и не отвратися от нас, к твоему заступлению прибегающих: никогдаже бо отвращался еси от приходивших к тебе с печальми своими во дни земнаго твоего жития; вемы же, коликая знамения милосердия являл еси и по преставлении твоем людем православным! Услыши и нас ныне, велиими скорбьми обдержимых, нашедшими на ны в лукавыя дни сия, егда диавол чрез пагубныя козни своя тщится попрати Церковь Святую, лишити же нас спасения вечнаго и благ временныя жизни! Испроси нам у Господа Иисуса Христа прощения грехов, а наипаче греха непослушания Матери нашей Церкви! Даруй нам сокрушение сердца, во еже со умилением неуклонно приступати ко святому Таинству Покаяния, яко да не во осуждение и погибель будет нам причащение Тела и Крове Христовых, но во здравие и спасение. Отжени от нас дух братоненавидения, даруй нам дух любве и мира к братскому единению всех людей твоих! Соеди всех нас любовию ко Христу и Его Церкве Православней, яко да соблюдающе спасительную волю Его, истинная чада Божия будем! Буди нам путевождь во вся дни наша, яко да присно в благодати Духа Святаго суще в чистоте веру содержим и волю Господню до самыя смерти сотворим! В час же кончины нашея явися нам представити души наша к престолу Божественнаго Судии и рещи Ему: «Се аз и дети моя», яко да твоим заступлением вечных мук избавльшеся, неизреченное блаженство Небеснаго Царствия Христова наследим купно с тобою и всеми святыми во веки веков. Аминь.

Пресвятой Богородице в честь ее иконы «Милостивая» («Киккская»)

(26 декабря/8 января)

Свое имя икона получила от названия местности – горы Кокос (или Киккос) на острове Крит. Предполагается, что этот светлый образ был написан апостолом Лукой для христианской общины Египта. К Киккской Богородице обращаются при нарушениях речи, а также при бесплодии, головных болях и параличе.

Молитва

О Пресвятая и преблагословенная Мати Господа, Бога и Спаса нашего Иисуса Христа, Милостивая Богородице и Приснодево Марие! Припадая к святей и чудотворней иконе Твоей, смиренно молимся Тебе, Благой и Милосердой Заступнице нашей: вонми гласу грешных молений наших, не презри воздыханий от души, виждь скорби и беды нас обышедшия, и яко любвеобильная воистину Мати потщися на помощь нам безпомощным, унылым, во многия и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконими нашими, но явит нам человеколюбную Свою милость. Испроси нам, Владычице, у благости Его, телесное здравие и душевное спасение, благочестное и мирное житие, земли плодоносив, воздуха благорастворение, дожди благовременны и благословение свыше на вся благая дела и начинания наша, и якоже древле призрела еси милостиво на смиренное славословие послушника Афонскаго, воспевавшаго Ти песнь хвалебную пред Пречистою иконою Твоею, и послала еси к нему Архангела Гавриила научити его пети песнь небесную, еюже славословят Тя ангели горе, сице приими благоутробно и наше ныне усердно приносимое Тебе молитвословие, и принеси е Сыну Твоему и Богу, да милостив будет Он нам грешным, и пробавит милость Свою всем чтущим Тя и с верою покланяющимся Святому Образу Твоему. О Царице Всемилостивая, Мати Божия Всеблагая, простри к Нему Богоносныя Твои руки, имиже Его, яко младенца носила еси, и умоли Его вся ны спасти и избавити погибели вечныя. Яви нам, Владычице, Твоя щедроты: болящия исцели, скорбящия утеши, бедствующим помози: благопоспеши всем нам носити иго Христово в терпении и смирении, сподоби нас благочестно житие сие земное скончати, христианскую непостыдную кончину получити, и Небесное Царствие унаследити, Матерним ходатайством Твоим к рождшемуся от Тебе Христу Богу нашему, Емуже со Безначальным Его Отцем и Пресвятым Духом, подобает всякая слава, честь и поклонение, ныне и присно и во веки веков. Аминь.