Хрестоматия по истории СССР. Том 1 - [14]

ПУТЬ «ИЗ ВАРЯГ В ГРЕКИ»

Поляном же жившим особе по горам сим, бе путь из варяг в греки и из грек по Днепру, и верх Днепра волок до Ловоти, и по Ловоти внити в Илмерь озеро великое, из него же озера потечеть Волхов и вътечеть в озеро великое Нево⁵, и того озера внидеть устье в море Варяжьское, и по тому морю ити до Рима, а от Рима прити по тому же морю ко Царюгороду, а от Царягорода прити в Понт море⁶, в неже втечеть Днепр река. Днепр бо потече из Оковьскаго леса⁷, и потечеть на полъдне, а Двина ис того же леса потечеть, а идеть на полунощье и внидеть в море Варяжьское⁸; ис того же леса потече Волга на въсток, и вътечеть семьюдесят жерел в море Хвалиськое⁹. Темже и из Руси можеть ити по [Волзе] в болгары и в хвалисы, и на въсток дойти в жребий Симов, а по Двине в варяги, из варяг до Рима, от Рима же и до племени Хамова. А Днепр втечеть в Понетьское море жерелом, еже море словеть Руское…

ПЕРВЫЕ КНЯЗЬЯ У ПОЛЯН

Полем же жившем особе и володеющем роды своими, иже и до сее братье бяху поляне, и живяху кождо с своим родом и на своих местех, владеюще кождо родом своим. И быша 3 братья, единому имя Кий, а другому Щек, а третьему Хорив, и сестра их Лыбедь. Седяше Кий на горе, идеже ныне увоз Боричев, а Щек седяше на горе, идеже ныне зовется Щековица, а Хорив на третьей горе, от негоже прозвася Хоривица; и створиша град во имя брата своего старейшаго, и нарекоша имя ему Киев. И бяше около града лес и бор велик, и бяху ловяща зверь, бяху мужи мудри и смыслени, и нарицахуся поляне, от нихже суть поляне в Киеве и до сего дне.

Ини же, не сведуще, рекоша, яко Кий есть перевозник был, у Киева бо бяше перевоз тогда с оноя стороны Днепра, темь глаголаху: на перевоз на Киев. Аще бо бы перевозник Кий, то не бы ходил Царюгороду, но се Кий княжаше в роде своемь; и при-ходившю ему ко царю, якоже сказають, яко велику честь приял [есть] от царя, при котором приходив цари; идущю же ему вспять приде к Дунаеви, и възлюби место, и сруби градок мал, и хотяше сести с родом своим, и не даша ему ту близь живущий; еже и доныне наричють Дунайци городище Киевець. Киеви же пришедшю в свой град Киев, ту живот свой сконча; и брат его Щек и Хорив и сестра их Лыбедь ту скончашася.

РАССЕЛЕНИЕ СЛАВЯНСКИХ И ДРУГИХ ПЛЕМЕН

И по сих братьи держати почаша род их княженье в Полях, а в Деревлях свое, а дреговичи свое, а Словени свое в Новего-роде, а другое на Полоте, иже Полочане. От них же Кривичи, иже седять на верх Волги, и на верх Двины, и на верх Днепра, ихже град есть Смолёньск; туде бо седять Кривичи. Таже Север от них. На Белеозере седять Весь, а на Ростовьском озере Меря, а на Клещине озере Меря же. А по Оце реце, где втечеть в Волгу, Мурома язык свой, и Черемиси свой язык, Моръдва свой язык. Се бо токмо Словенеск язык в Руси: Поляне, Деревляне, Ноугородьци, Полочане, Дреговичи, Север, Бужане, зане седоша по Бугу, послеже же Велыняне. А се суть инии языци, иже дань дають Руси: Чюдь, Меря, Весь, Мурома, Черемись, Моръдва, Пермь, Печера, Ямь, Литва, Зимигола, Корсь, Нерома, Либь, си суть свой язык имуще, от колена Афетова, иже живуть в странах полунощных.

Словеньску же языку, якоже рекохом, живущю на Дунай, придоша от Скуф, рекше, от Козар, рекомии Болгаре и седоша по Дунаеви…

Посемь придоша Угри Белии, и наследиша землю Словеньску; си бо Угри почаша быти при Ираклии¹⁰ цари, иже находиша на Хоздроя, царя Перьскаго. В си же времяна быша и Обри¹¹, иже ходиша на Ираклия царя и мало его не яша. Си же Обри воеваху на Словенех, и примучиша Дулебы, сущая Словены, и насилье творяху женам Дулебьским: аще поехати будяше Обърину, не дадяше въпрячи коня ни вола, но веляше въпрячи 3-ли, 4-ли, 5-ли жен в телегу и повести Обърена, и тако мучаху Дулебы. Быша бо Объре телом велици и умомь горди, и бог потреби я, и помроша вси, и не остася ни един Обърин, и есть притъча в Руси и до сего дне: погибоша аки Обре; их же несть племени ни наследъка. По сих же придоша Печенези; паки идоша Угри Чернии мимо Киев, послеже при Олзе¹².

Поляном же живущимь особе, якоже рекохом, сущим от рода Словеньска, и нарекошася Поляне, а Деревляне от Словен же, и нарекошася Древляне; Радимичи бо и Вятичи от Ляхов. Бяста до 2 брата в Лясех, Радим, а другий Вятко, и пришедъша седоста Радим на Съжю, и прозвашася Радимичи, а Вятъко седе с родом своим по Оце, от негоже прозвашася Вятичи. И живяху в мире Поляне, и Деревляне, и Север, и Радимичи, Вятичи и Хорвате. Дулеби живяху по Бугу, где ныне Велыняне, а Улучи и Тиверьци седяху по Днестру, приседяху к Дунаеви. Бе множьство их; седяху бо по Днестру оли до моря, и суть гради их и до сего дне, да то ся зваху от грек Великая Скуфь¹³.

О РАССЕЛЕНИИ СЛАВЯН (перевод)

РАССЕЛЕНИЕ СЛАВЯНСКИХ ПЛЕМЕН

Спустя много времени сели славяне по Дунаю, где теперь земли Венгерская и Болгарская. И от тех славян разошлись по земле и назвались своими именами по тому, где кто сел на каком месте. Одни, придя, сели на реке именем Морава и прозвались моравами, а другие назвались чехами. А это — также славяне: хорваты белые, сербы и хорутане. Волохи напали на славян дунайских, сели среди них и чинили им насилие. Одни же славяне, пойдя, сели на Висле и назвались ляхами (поляками), эти ляхи получили название поляне, другие ляхи — лютичи, другие — мазовшане, иные — поморяне. Также и те славяне, которые пришли и поселились по Днепру, назвались полянами, другие — древлянами, потому что жили в лесах, а иные расселились между Припятью и Двиной и назвались дреговичами; иные сели на Двине и назвались полочанами из-за речки, именем Полота, которая впадает в Двину; от нее и прозвались полочанами. Славяне же сели около озера Ильменя и назвались своим именем; срубили город и назвали его Новгородом; другие жили по Десне, Сейму и Суле и назвались северянами. Так разошелся славянский народ, так и грамота получила название славянской.